БИШКЕК, 5-июл. — Sputnik. Кыргызстанда экономисттер абдан көп деген кеп — миф. Бул тууралуу КРСУнун экономика жана ишканалардагы башкаруу кафедрасынын жетекчиси, экономика илимдеринин кандидаты, доцент Людмила Субачева Sputnik радиосундагы маегинде билдирди.
Ал бул тармактагы мыкты адис жогорку маяналуу жумушка оңой эле орношо турганын белгиледи.
© Sputnik / Асель Сыдыкова
"Менин бүтүрүүчүлөрүм банктарда, байланыш сфераларында, жеке ишканаларда иштеп жатышат. Бардык уюмдардын иш модели бирдей. Бухгалтердик документтерди түшүнгөн экономист-башкаруучуларга суроо-талап ар дайым болот. Эмгек рыногу экономисттер менен юристтерге толуп калды деген кеп — миф", — деди Субачева.
Анын айтымында, эгер студент жакшы билим алса, ага эң кызыктуу иш берүүчүлөрдүн эшиги дайыма ачык болот.