БИШКЕК, 2-июл. — Sputnik. Кыргызгидромет 8-июлга чейин Кыргызстандын аймагындагы аба ырайы тууралуу маалымат берди.
Ага ылайык, алдыдагы аптанын аягында Бишкекте өткүн өтүп, күр күркүрөшү мүмкүн.
Чүй облусу
2-июлда күн ачык болот, андан кийинки күндөрү жуманын аягына чейин жер-жерлерде күн күркүрөп, өткүн өтөт.
Батыштан соккон шамалдын ылдамдыгы секундасына 4-9 метрден, 3-4-5-июлда айрым жерлерде 15-20 метрге жетери айтылды.
Талас облусу
2 жана 4-июлда жаан-чачын күтүлбөйт, калган күндөрү өткүн өтүп, күн күркүрөйт.
Ош, Жалал-Абад жана Баткен облустары
2-июлда күн ачык болот. 3-июлдан тарта аптанын аягына чейин жер-жерлерде өткүн өтүшү күтүлөт.
Ысык-Көл жана Нарын облустары
2-июлда күн ачык болот. Жуманын калган күндөрүндө жаан жаашы ыктымал.