БИШКЕК, 28-июн. — Sputnik. Президент Садыр Жапаров Чолпон-Ата шаарындагы мечитте Курман айт намазын окуду. Бул тууралуу мамлекет башчынын маалымат кызматы кабарлады.
Мамлекет башчы мечитке келгендер менен чогуу айт намазын окуган.
Президент өз куттуктоосунда элдин биримдигин бекемдөөгө себепчи болгон бул майрам мусулмандардын руханий казынасында өзгөчө орунду ээлей турганын айткан.
Ал эми Бишкекте Курман айт намазы салтка айлангандай эле Турдакун Усубалиев атындагы аянтта окулду. Ага министрлер кабинетинин төрагасы Акылбек Жапаров, УКМК төрагасы Камчыбек Ташиев, Бишкектин мэри Эмилбек Абдыкадыров жана ЖК депутаттары катышты.