БИШКЕК, 28-июн. — Sputnik. Москвадагы мечиттерге Курман айт намазын окууга 200 миңге жакын мусулман келди. Бул тууралуу РИА Новости жазды.
Ири мечиттердин биринде эле 100 миңден ашуун мусулман намазга жыгылган.
Президент Владимир Путин Россиядагы мусулмандарды Курман айт майрамы менен куттуктап, мусулман коомчулугу өлкөнүн жашоосунда чоң жаратмандык ролду ойной турганын белгилеген.