БИШКЕК, 26-июн. — Sputnik. Жогорку Кеңештин төрагасы башында турган парламенттик делегация Казакстанга барды. Бул тууралуу ЖКнын маалымат кызматы кабарлады.
© Фото / пресс-служба Жогорку Кенеша
Эл өкүлдөрүнүн тобу Казакстан Сенатынын төрагасы Маулен Ашимбаевдин чакыруусу менен жөнөп кеткен.
Иш сапардын алкагында ЖК төрагасы Нурланбек Шакиев Казакстандын президенти Касым-Жомарт Токаев менен жолугуп, Маулен Ашимбаев жана Мажилисинин төрагасы Ерлан Кошанов менен да эки тараптуу сүйлөшүүлөрдү жүргүзмөкчү.
Эскерте кетсек, Шакиевди депутаттар Кундузбек Сулайманов, Данияр Төлөнов, Бакыт Тентишев, Бахридин Шабазов, Нурлан Ражабалиев, Нилуфар Алимжанова, Гүлшаркан Култаева жана Эмил Токтошев коштоп барды.