БИШКЕК, 14-июн. — Sputnik. Жалал-Абаддын Ала-Бука райондук прокуратурасынын имаратында бүгүн саат 09:40тар чамасында прокуратуранын улук тергөөчүсү талап кылган 100 000 сом параны алып жаткан жеринен кармалган. Бул тууралуу УКМКнын маалымат кызматынан кабарлады.
© Фото / пресс-служба ГКНБ КР
А.А.К. аттуу бул прокурорду УКМК менен Башкы прокуратура биргелешип колго түшүргөн. Ал эми 100 миң сом кармалган тергөөчүнүн автоунаасынан табылган.
"А.А.К. 100 000 сом пара талап кылып алып жаткан жеринен кармалды. Ал өзү тергеп жаткан О.Э. аттуу жаранга карата Жалал-Абад облусунун Ала-Бука райондук сотунда каралып жаткан кылмыш иши боюнча оң чечим чыгаруу үчүн акча талап кылган", — деп айтты маалымат кызматынан.