БИШКЕК, 12-июн. — Sputnik. Борбор калаадагы Ботаникалык бакта өспүрүмдү бычактап кетишти. Бул тууралуу Октябрь райондук милициясынан билдирди.
9-июнда милицияга аял белгисиз бирөөлөр уулун бычактап кеткендигин айтып, арыз менен кайрылган.
Милиция Кылмыш кодексинин 130-беренесинин ("Ден соолукка оор зыян келтирүү") негизинде кылмыш иши козголгон. Бул окуядан кийин 16 жаштагы өспүрүм кармалып, тергеш үчүн эки айга Вознесеновка айылындагы колонияга киргизилген.
