БИШКЕК, 10-июн. — Sputnik. Президент Садыр Жапаров бүгүн, 10-июнда, CAFA турниринин алкагында өтө турган Кыргызстан менен Афганстандын беттешине катышат. Оюн Бишкектеги Дөлөн Өмүрзаков атындагы стадиондо саат 20:00дө башталмакчы.
CAFA Nations Cup 2023 эл аралык чемпионаты биринчи жолу улуттук команданын деңгээлинде 11-июндан 20-июнга чейин өткөрүлөт. Кыргызстандын курамасы тайпалык баскычта Афганстандын жана Ирандын курамалары менен ойнойт. Ушул эле убакта Ташкентте Өзбекстан, Оман, Тажикстан жана Түркмөнстан курама командаларынын оюндары өтөт. Топтун жеңүүчүлөрү 20-июнда Ташкенттеги финалда жолугушат.