БИШКЕК, 8-июн. — Sputnik. "Кыргыз көмүр" ишканасынын Балыкчы филиалында көмүр эсептен чыгарылып, сатылып кеткен. Бул тууралуу УКМК билдирди.
Маалыматка караганда, 2021-2023-жылдар аралыгында дээрлик 6,3 миң тоннадан ашык көмүр жок болгон. Анын баасы 18 миллион 995 миң сом деп бааланууда.
Ошондой эле күйүүчү-майлоочу материалдарды мыйзамсыз эсептен чыгаруу жана ага караштуу ишканалардын мамлекеттик сатып алууларга катышуу фактылары аныкталган.
Мамлекеттик комитет "Кыргыз көмүр" ишканасынын Балыкчы филиалынын жетекчисинин орун басары У.Т. кармады.
© Фото / пресс-служба ГКНБ КР
Учурда келтирилген зыяндын толук көлөмүн жана кылмышка тиешеси бар башка адамдарды аныктоо боюнча чаралар көрүлүүдө.