БИШКЕК, 7-июн. — Sputnik. Жаңы Каховка аймагындагы көтөрүлгөн суунун деңгээли кайрадан акырындап ылдыйлай баштады. Бул тууралуу шаардык округдун администрация башчысы Владимир Леонтьев билдирди.
РИА Новости Каховка ГЭСинин жарылышынан кийин шаарда суу 11 метрге чейин көтөрүлүп кеткенин жазган.
"Суу шаардан акырындап кете баштады... кичинеден. Бирок бул жалпы тенденция эмес", — деген Леонтьев.
Анын айтымына караганда, кырдаал көзөмөлдө турат.
Кечээ түнү украин армиясы Каховка ГЭСинин жогорку бөлүгүн "Ольха" залптык оттун реактивдүү тутуму менен аткылаган, анын кесепетинен улам тээктер жабыркап, бирок дамбанын өзү аман калган. Азыр сууну улам төгүп, коё берип жатышат. Аймактагы үч округдагы элди эвакуациялоо башталган.
Россиянын коргоо министри Сергей Шойгу Каховка ГЭСин Киев режими аскерлерди Херсон багытынан чабуул коюуну пландаган районго которуу үчүн жардырганын белгилеген.
Каховка ГЭСи — Днепрдеги гидроэлектр станцияларынын каскадындагы алтынчы тепкич, Херсондогу Жаңы Каховка шаарынан беш чакырым аралыкта жайгашкан. Анын кыйроосу миңдеген адамдын өлүмүн шарттайт. Жаңы Каховка 2022-жылы 30-сентябрда жалпы элдик добуш берүүнүн жыйынтыгы менен Россияга кирген Херсон облусунда жайгашкан.