БИШКЕК, 6-июн. — Sputnik. Саламаттык сактоо министрлиги тамак-ашка тузду ашыкча колдонгондо организмге кандай кесепети тиерин эскертти.
Мекеменин билдирүүсүндө негизги делген үч зыян аталган:
мээни азыктандырган артериялардын бузулушу андагы кычкылтектин жетишсиздигине алып келет, артериялар жетишсиз азыктанат. Мындан улам мээнин иштеши бузулат;
кан басымдын көтөрүлүшүнөн улам жүрөккө кеткен кан тамырлар кичирейип, ишемиялык жана жүрөк оорулары пайда болот;
тузду ашыкча колдонгондо организмден суюктуктун бөлүнүп чыгышы татаалдашат. Бөйрөктө таш пайда болуу, ага байланышкан өнөкөт оорулар да тузду нормадан көп колдонуудан келип чыгат.