БИШКЕК, 1-июн. — Sputnik. Бүгүн, 1-июндан тарта, Бишкектин айланасындагы айылдар менен жаңы конуштарга суу маал-маалы менен гана берилет. "Бишкек суу каналы" мындай көрүнүш кырдаал жакшырганга чейин уланарын билдирди.
Арча-Бешик конушунда суу (Садырбаев, Семетей көчөлөрү, Орок айылын карай жол, Ахунбаевдин ортосу) саат 15.00дөн 22.00гө чейин гана берилет.
Селекция, 105-контур, Салкын-Төр, Төмөнкү Орок, Сары-Өзөн, Плодовое, Калтар айылдарында саат 06.00дөн 12.00гө чейин берилет.
Эске салсак, бул аймактардын жашоочулары буга чейин эле суу аз келип жатканын же таптакыр келбей калганын айтып даттанып жатышкан.