БИШКЕК, 22-май — Sputnik. Айыл чарба министрлиги Сокулукта Чу дарыясындагы балыктын массалык кырылышы боюнча изилдөөнүн жыйынтыгын жарыялады.
16-майда суунун үлгүсү жана балыктын патологиялык материалдары алынган. Текшерүүнүн жыйынтыгында паразиттик оорулар, нитрат, мышьяк жана нитрит сыяктуу токсиндүү затар табылган эмес.
"Сууну текшерүүдө токсиндүү элементтер аныкталган жок", — дешти министрликтен.
Жергиликтүү тургундар сууга химикат түшкөн деп божомолдошкон.