БИШКЕК, 20-май — Sputnik. Ош шаарында дзюдо боюнча Кыргыз Республикасынын кубогу өтүүдө. Бул тууралуу Ош шаарынын мэриясы кабарлады.
Турнирге өлкөнүн бардык облустарынан, Бишкек жана Ош шаарларынан жүздөн ашык спортчу катышууда. Алар 14 салмактык категорияларда күч сынашат. Ал эми жогорку чеберчиликти көрсөткөндөргө "Спорт чебери" наамы ыйгарылат. Жыйынтыгында таймаштын жеңүүчүлөрү медаль, диплом, кубок жана баалуу сыйлыктар ыйгарылмакчы.