БИШКЕК, 12-май — Sputnik. Советтик жоокерлердин Крымды бошотуу боюнча операциясы 1944-жылдын 12-майында соңуна чыгып, 200 миң кишилик 17-немец армиясы менен румын дивизиялары талкаланган.
Тарыхый окуя тууралуу Ближнее заребежье Telegram-каналы жазып, архивдик видео жарыялады.
Адмирал Николай Кузнецовдун окуя жөнүндө эскерүүсүндө операциянын өзү 1944-жылдын 8-апрелинде төртүнчү Украина фронтунун чабуулу менен башталганы айтылат. Туура эки күндөн кийин душман чегине баштаган. 11-апрель күнү Керчь, 13-апрелде Симферополь бошотулган. Эки күндөн кийин советтик жоокерлер Севастополго жакындап келишкен. 9-май күнү шаар бошотулуп, үч күн өтүп каршы тараптын акыркы күчү Херсонес тумшугунда жок кылынат.
Крымдагы жеңилүү гитлерчилер үчүн Сталинград салгылашуусуна тете катастрофа болгон.