БИШКЕК, 11-май — Sputnik. Кыргызстанда быйыл 167 окуучу артыкчылык аттестатын алат. Бул тууралуу Билим берүү жана илим министрлиги билдирди.
Алар жалпы республикалык "Алтын тамга" тестирлөөсүнө катышкан 11-класстын 2 миңдей окуучусунун арасынан алдыга озуп чыккан.
Артыкчылык аттестатына ээ болчу окуучулар аймактар боюнча:
Баткен облусунан 14 окуучу;
Бишкек шаарынан 76 окуучу;
Жалал-Абад облусунан 10 окуучу;
Нарын облусунан 6 окуучу;
Ош шаарынан 8 окуучу;
Ош облусунан 20 окуучу;
Талас облусунан 5 окуучу;
Чүй облусунан 21 окуучу;
Ысык-Көл облусунан 7 окуучу.
Белгилей кетсек, 10-11-класстар үчүн бардык окуу сабактары боюнча чейрек, жарым жылдык жана жылдык баалары "5" (эң жакшы) деген баадан төмөн эмес болгон талапкерге "Алтын тамга" тестин тапшыруу укугу берилет.