БИШКЕК, 8-май — Sputnik. Өлкө башчы Садыр Жапаров Россия лидери Владимир Путинди 2023-жылы Кыргызстанга расмий иш сапары менен келип кетүүгө чакырды. Сунуш ыраазычылык менен кабыл алынганын президенттин маалымат кызматы билдирди.
Учурда Москва шаарында Россия менен Кыргызстандын президенттери — Владимир Путин менен Садыр Жапаровдун жолугушуусу өтүп жатат. Расмий иш сапары менен барган Жапаров 9-майда ардактуу конок катары Жеңиш парадына катышат.
Аны жети министрден тышкары Коопсуздук кеңешинин катчысы, өкмөт башчынын биринчи орун басары, Россиядагы элчи жана Бишкек шаарынын вице-мэри коштоп кеткен.