БИШКЕК, 7-май — Sputnik. Украина Крым менен Севастополду көздөй он учкучсуз учак жөнөттү. Бул тууралуу өзүнүн Telegram-каналында шаардын губернатору Михаил Развожаев жазды.
"Өткөн түнү абадан коргонуу күчтөрү менен электрондук согуш системалары Севастополго жасалган кезектеги чабуулдун мизин кайтарды. Бир пилотсуз учак башкаруусун жоготуп, 5 чакырым алыстыктагы токойго түштү. Учактын калдыктарын ИИМ жана ӨКМ кызматкерлери тапты", — деп жазды ал.
Ошондой эле жетекчи шаарда эч кандай объектилерге зыян келтирилбегенин айтып, бардык кызматтар кырдаалды көзөмөлдөп жатканын кошумчалады.