БИШКЕК, 7-май — Sputnik. Кыргызгидромет бул жумада Кыргызстанда аба ырайы кандай болору тууралуу маалымат берди.
Ага ылайык, борбор калаада бейшембиге чейин күн ачык турат. Жума жана ишемби күндөрү жамгыр жаашы болжолдонууда.
Чүй облусу
Сары-Өзөндө 11-майга чейин жаан-чачын күтүлбөйт. 12-майда көпчүлүк аймактарда, 13-майда айрым жерлерде жамгыр жаайт.
Батыштан соккон шамалдын ылдамдыгы секундасына 4-9 метрден, 12-майда күндүз айрым жерлерде 15-20 метрге жетет.
Бейшембиде күндүн табы 32 градуска чейин ысыйт.
Талас облусу
7-9-май күндөрү ачык болуп, жамгыр жаабайт. 12-майда көпчүлүк аймактарда, ал эми 13-майда айрым жерлерде жаан жаашы ыктымал.
Батыштан соккон шамалдын ылдамдыгы секундасына 4-9 метрден, 12-майда күндүз айрым жерлерде 15-20 метрге жетиши күтүлөт.
Жума ичинде күн 30 градуска дейре жылыйт.
Ош жана Жалал-Абад облусу
7-майда көпчүлүк аймактарда, 8-майда айрым жерлерде өткүн өтөт. Ал эми 9-майда күн ачылып, 11-майга чейин жаан-чачын күтүлбөйт. Түштүк-чыгыштан соккон шамалдын ылдамдыгы секундасына 5-10 метрге жетиши ыктымал.
12-майда көпчүлүк аймактарда, 13-майда айрым жерлерде жаан жаай турганы болжолдонууда.
Абанын температурасы 32 градуска чейин көтөрүлөт.
Баткен облусу
7-майда көпчүлүк аймактарда, 8-майда айрым жерлерде өткүн өтүп, күн күркүрөйт.
9-11-майда жаан-чачын күтүлбөйт. Түштүк-чыгыштан соккон шамалдын ылдамдыгы секундасына 5-10 метрге жетет.
Ал эми 12-майда кайра күндүн көзү бузулуп көпчүлүк аймактарда, 13-майда айрым жерлерде жамгыр жаайт.
12-майда батыштан соккон шамалдын ылдамдыгы секундасына айрым жерлерде 15-20 метрге жетет.
Ысык-Көл облусу
Синоптиктердин маалыматы боюнча, 11-майга чейин күндүн көзү бузулбайт, 12-13-майда айрым жерлерде жамгыр жаай турганы айтылды.
Батыштан соккон шамалдын ылдамдыгы секундасына 4-9 метрден, 12-майда айрым жерлерде 15-20 метрге жетет.
Апта ичинде абанын температурасы 23 градуска чейин жогорулайт.
Нарын облусу
Теңир-Тоодо 11-майга чейин күн ачык болот. Ал эми 12-13-майда айрым жерлерде жамгыр, бийик тоолуу райондордо кар жаайт.
Апта ичиндеги абанын эң жогорку температурасы 23 градуска жетет.