БИШКЕК, 6-май — Sputnik. Кыргызгидромет агенттиги алдыдагы аптада Ош облусунда күтүлгөн аба ырайы тууралуу маалымат берди.
Ага ылайык, 7-майда көпчүлүк аймактарда, 8-майда айрым жерлерде өткүн өтөт. Ал эми 9-майда күндүн көзү ачылып, 11-майга чейин жаан-чачын күтүлбөйт. Түштүк-чыгыштан соккон шамалдын ылдамдыгы секундасына 5-10 метрге жетиши ыктымал.
12-майда көпчүлүк аймактарда, 13-майда айрым жерлерде жамгыр жаай турганы болжолдонууда.
Абанын температурасы шаршембиде 31 градуска чейин көтөрүлөт.