БИШКЕК, 1-май — Sputnik. КР Коргоо министрлиги Улуу Ата Мекендик согуштагы Улуу Жеңиштин 78 жылдыгына карата өткөрө турган иш-чараларынын тизмесин жарыялады.
Анда төмөнкү акция, иш-чаралар пландалган:
4-май – Бишкек — Токмок — Кемин маршруту боюнча сейрек кездешкен унаалар менен автожүрүшкө катышуу;
5-май – КР Куралдуу күчтөрүнүн аскер башкармалык жетекчилеринин Улуу Ата Мекендик согуш ардагерлерин куттуктоосу;
9-майга чейин – Бишкектеги сейил бактарда, скверлерде Аскер борбордук үйүнүн жана Коргоо министрлигинин аскер оркестринин согуш жылдардагы ырларды аткаруусундагы көчмө концерттери өтөт;
9-май – министрликтин жеке курамдары, бөлүктөрү жана мекемелеринин катышуусу менен "Өлбөс полк" эл аралык жүрүшүнүн өтүшүнө көмөк көрсөтүү;
9-май – Жеңиш аянтында согуш ардагерлерине "аскер боткосун" уюштуруу;
9-майга чейин – жалпы билим берүү мекемелеринде кыргызстандык баатырлардын эрдиктеринин мисалында "Эрдикке үйрөтүү сабактарын" өткөрүү, ардагерлер уюмдарынын мүчөлөрүн чакырып Аскер окуу жайынын курсанттары жана аскердик бөлүктө кызмат өтөгөндөр менен жолугуштуруу, маектерди уюштуруу;
"Жеңишке 30 күн калды" акциясы (катышуу үчүн адамдын окуясын, эстелик жөнүндө маалыматты камтыган жана башка ушул өңүттөгү Улуу Ата Мекендик согушка арналган сүрөт даярдоо керек);
ардагерлердин үй-бүлөлөрү үчүн "Согуш жөнүндөгү баяным" аттуу акциясы;
"Жеңишке арналган эстеликтерди коргойбуз" акциясы эстеликтердин жана Боордоштор көрүстөнүнүн айланасындагы ишембиликтер менен өтөт;
Бишкектин Свердлов районундагы окуучулар үчүн "Вахта памяти" патриоттук акциясы уюштурулат;
9-май – Бишкек гарнизонунун аскерлери Чүй проспекти менен согуш жылдарындагы ырларды аткарып жөө жүрүш жасашат;
9-май – Жеңиш аянтындагы "Өчпөс отко" гүл коюу, митинг-реквием, Бишкек гарнизонунун аскерлеринин Жеңиш аянтына чейин салтанаттуу ыр коштогон маршы, Улуу Ата Мекендик согуш учурундагы аскер техникаларын чагылдырган тематикалык экспозиция.