БИШКЕК, 26-апр. — Sputnik. Министрлер кабинетинин төрагасы Акылбек Жапаров жумуш сапары менен Ташкент шаарына барды. Бул туурасында өкмөттүн маалымат кызматы кабарлады.
"Ал 27-апрелде Ташкентте Өзбекстандын президенти Шавкат Мирзиёевдин катышуусунда өтүүчү жана дүйнөнүн 70тен ашуун өлкөсүнүн 2 500 өкүлүн чогулткан II Ташкент эл аралык инвестициялык форумунун ишине катышат", — деп айтылган маалыматта.
Жапаровдун Өзбекстан премьер-министри Абдулла Арипов жана Өзбекстан президентинин администрациясынын жетекчиси Сардор Умурзаков менен жолугары кабарланды.