БИШКЕК, 24-апр. — Sputnik. 25-апрель, шейшембиде, айрым жерлерде өткүн өтүп, күн күркүрөшү мүмкүн. Бийик тоолуу райондордо кар жаайт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.
Абанын температурасы Чүйдө +17...+22, Талас аймагында +16...+21, Ош, Жалал-Абад жана Баткен облустарында +25...+30, Ысык-Көл өрөөнүндө +12...+17, Нарында +13...+18 градус жылуу болот.
Борбор калаада мезгил-мезгили менен жаан жаап, күндүн табы +19...+21, Ош шаарында +28...+30 градуска чейин көтөрүлөт.