Латын арибине өтүү боюнча сөз болбошу керек. Жапаров Осмоналиевге эскертүү берди

Мамлекет башчы бүгүн Тил комиссиясынын төрагасын кабыл алган.
Sputnik
БИШКЕК, 20-апр. — Sputnik. Президент Садыр Жапаров Мамлекеттик тил жана тил саясаты боюнча улуттук комиссиянын төрагасы Каныбек Осмоналиевге латын арибине өтүү боюнча аңдабай айткан сөзү үчүн катуу эскертүү берди. Бул тууралуу мамлекет башчынын маалымат кызматы билдирди.
1 / 2

Президент Садыр Жапаров Мамлекеттик тил жана тил саясаты боюнча улуттук комиссиянын төрагасы Каныбек Осмоналиевге латын арибине өтүү боюнча аңдабай айткан сөзү үчүн катуу эскертүү берди

2 / 2

Жапаров бүгүн Осмоналиевди кабыл алып, кыргыз тилинин абалы, аны өнүктүрүүнүн келечеги жана колдонуу чөйрөсүн кеңейтүү маселелерин талкуулаган.

Жапаров бүгүн Осмоналиевди кабыл алып, кыргыз тилинин абалы, аны өнүктүрүүнүн келечеги жана колдонуу чөйрөсүн кеңейтүү маселелерин талкуулаган.
Мамлекет башчы тил комиссиясынын төрагасына катуу эскертүү берип, тил саясаты, тагыраак айтканда, кыргыз тилин латын алфавитине өткөрүү жөнүндө аңдабай айтылган сөздөрдөн карманууга чакырган.
"Кыргыз тилинин латын тамгасына өтүү тууралуу сөз кылууга азырынча эрте. Кириллицадагы мамлекеттик тилди талаптагыдай, сабаттуу деңгээлде билүүсүн камсыз кылмайынча, латын алфавитине өтүү тууралуу сөз да болушу мүмкүн эмес. Азыр бул боюнча маселе жок, мамлекеттик тилди өнүктүрүүнү кириллицада улантуу керек", — деп баса белгиледи Жапаров.
Белгилей кетсек, кечээ парламентте депутаттар Эмил Токтошев менен Камила Талиева тилге чыныгы реформа жасоо үчүн латын арибине өтүү керектигин сунуштаган. Анда Каныбек Осмоналиев түрк тилдүү алты мамлекеттин ичинен Кыргызстан гана кириллицада отурганын, эгер саясий чечим кабыл алынса өтүүгө даярдыгын айткан. Окумуштуулар латын графикасынын бир нече вариантын жасап жатканын билдирген.
"Садыр аwа" деп эле жазалы. Депутат Осмонов алфавитти өзгөртүүнү сунуштады