БИШКЕК, 2-апр. — Sputnik. Синоптиктер 8-апрелге чейин Кыргызстанда аба ырайы кандай болорун айтып беришти.
Чүй облусу
2-5-апрелде облуста күн ачык болору белгиленди. 7-8-апрелде айрым жерлерде өткүн өтүп, күн күркүрөшү, бийик тоолуу райондордо кар жаашы күтүлөт.
Бишкек шаарында дагы ушундай эле аба ырайы болот.
Талас облусу
2-4-апрелде жаан-чачын күтүлбөйт. 5-апрелден 8-апрелге чейин айрым жерлерде өткүн өтүп, күн күркүрөшү, бийик тоолуу райондордо кар жаашы күтүлөт.
Ош облусу
2-апрелде айрым жерлерде жаан жаап, күн күркүрөйт. Аймакта 2-3-апрель түндөрү үшүк жүрүп, абанын температурасы -3кө чейин төмөндөйт. 4-апрелде күн ачылып, кайрадан жума аягына чейин айрым жерлерде өткүн өтүп, жаан жаашы күтүлөт.
Жалал-Абад облусу
2-апрелде күндүз айрым жерлерде жаан жаап, бийик тоолуу райондордо кар түшөт. 3-5-апрелде күн ачык болот. Ал эми 6-7-8-апрелде кайрадан жаан жаайт.
Баткен облусу
2-3-4-апрелде айрым жерлерде жаан жаап, бийик тоолуу аймактарга кар түшөт. 5-6-апрелде түнкүсүн жаан-чачын күтүлбөйт. 7-8-апрелде айрым жерлерде өткүн өтүп, күн күркүрөйт.
Ысык-Көл жана Нарын облустары
2-6-апрелде жаан-чачын күтүлбөйт. 7-8-апрелде айрым жерлерде өткүн өтүп, күн күркүрөп, бийик тоолуу райондордо кар жаайт.