БИШКЕК, 2-апр. — Sputnik. Дүйшөмбүдө Баткендин айрым жерлеринде өткүн өтүп, күн күркүрөшү, бийик тоолуу райондордо кар жаашы ыктымал. Ал эми калган облустарда күн ачык болот. Бул тууралуу Кыргызгидромет маалымдады.
Чыгыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.
Абанын температурасы Чүй өрөөнүндө +18...+23, Талас жергесинде +13...+18, Ош, Жалал-Абад, Баткен облустарында +23...+28, Ысык-Көл чөлкөмүндө +13...+18, ал эми Нарында +11...+16 градус болору айтылды.
Термометрдин көрсөткүчү Бишкекте +21...+23 жана Ош калаасында +26...+28 градус болот.