Миллиондогон өмүрлөрдү жалмаган салгылаш 1942-жылдын 8-январында башталып, бир жылдан ашык мезгилге созулган. Фашисттик баскынчыларга каршы турган советтик жоокерлердин каны суудай аккан.
"Ржев салгылашы Улуу Ата мекендик согуштагы башка кармаштардын көлөкөсүндө калып келет. Бирок бул жер кийинки муундардын эстеп, эскерип, таазим кылып жүрүшүнө татыйт", — деген РФ лидери Владимир Путин Ржев мемориалын ачып жатканда.
...1943-жылдын 3-мартында Ржевди Батыш фронттун аскерлери бошотуп, 31-мартта Ржев‑Вяземский плацдармы алынган. Бул салгылашты батышка жылдырып, Москвага жаралган коркунучту жок кылган.
Расмий маалыматтарда 1942‑1943-жылдары Ржевдин алдында бул кандуу булоондо миллиондон ашуун советтик жоокерлер, офицерлер курман болгон делет. Ал эми бейрасмий маалыматтарда Ржев согушунда 2 миллиондон ашык аскер курман болгону айтылат.