БИШКЕК, 27-мар. — Sputnik. Кыргызстандык "Кайрос" тобу Россиянын СТС телеканалындагы "Каверлер таймашы" шоусунун биринчи этабынын жеңүүчүсү аталды.
Бишкектен барган музыканттар 500 миң рубль сыйлык алып, андан ары суперфиналда 5 миллион рублди утуу үчүн ат салышууга жолдомо алды.
"Кайрос" биринчи раундда Эминемдин стилинде "Зацепила" ырын аткарды, экинчи раундда Жеймс Браундун стилинде "Потеряли пацана", үчүнчүсүндө Миягинин стилинде "Младший лейтенант" чыгармасын ырдаган. Жыйынтыгында көрүүчүлөрдүн басымдуу бөлүгү кыргызстандык топту мыкты деп атады.