БИШКЕК, 26-мар. — Sputnik. Кыргызгидромет агенттиги бир жумага карата Кыргызстандагы аба ырайы тууралуу маалымат берди.
Чүй облусу
Синоптиктер 26-30-март күндөрү облуста күн ачык болорун айтууда. Ал эми 31-мартта күндүз айрым жерлерде өткүн өтүп, бийик тоолорго кар жаашы күтүлөт. 1-апрелде жаан-чачын болбойт.
Бишкек шаарында дагы ушундай эле аба ырайы күтүлөт.
Талас облусу
26-30-март күндөрү жаан-чачын жаабайт. 31-мартта күндүз айрым жерлерде өткүн өтөт, бирок кайра 1-апрелде күн ачылат.
Ош жана Жалал-Абад облустары
26-марттан 30уна чейин жамгыр жаабайт. 31-мартта күндүз айрым жерлерде өткүн өтүп, бийик тоолорго кар жаайт. Кайра 1-апрелде күндүн көзү ачылат.
Баткен облусу
26-29-мартта жаан-чачын күтүлбөйт, бирок 30-31-мартта айрым жерлерде өткүн өтүп, бийик тоолорго кар түшөт. 1-апрелде жаан басылат.
Ысык-Көл облусу
Синоптиктер облуста аптанын башынан аягына чейин жаан жаабай, асман ачык болорун билдирди. Дыйканчылык аймактарда абанын күндүзгү температурасы 18 градуска дейре көтөрүлөт.
Нарын облусу
26-30-март күндөрү күн ачык болот, бирок 31-мартта кээ бир аймактарда жаан жаап, тоолуу райондордо кар жаашы ыктымал. 1-апрелде кайрадан күн ачылат.