БИШКЕК, 23-мар. — Sputnik. Бишкек мэриясы өспүрүмдөр арасында жаңжал жараткан "ЧВК Рёдан" кыймылы тууралуу маалымат тарап жаткандыгына байланыштуу ата-энелерди балдарына мектептен тышкаркы убакта көз салууга чакырды.
Окуу жылынын төртүнчү чейрегинде милиция мектептерде эреже бузууга жол бербөө жөнүндө лекцияларды өтөт. Мэрия зарыл учурда телефонго ата-эне көзөмөлү боюнча мобилдик тиркемени көчүрүп алууну сунуштайт.
"ЧВК Рёдан" — бул 14-16 жаштагы өспүрүмдөр арасындагы аниме сүйүүчүлөрү. Алардын кийиминде 4 саны жазылган жөргөмүштүн сүрөтү болот. Буга чейин Россиянын бир нече шаарында жана башка мамлекеттерде өспүрүмдөрдүн массалык мушташы чыккан. Ага ушул кыймылдын мүчөлөрүнүн катыштыгы бар.