"Калктын укутук сабаттуулугун жогорулатуу, жарандарга акысыз юридикалык көмөк көрсөтүү максатында "Тилектештик автобусу" долбоору иштелип чыккан. Анын алкагында жарандар социалдык камсыздандыруу, пенсия, жөлөк пул, алимент, документтерди калыбына келтирүү, транспортту каттоо, эмгек талаштары сыяктуу юридикалык маселелер менен кайрылып, консультация алышууда. Эгер муктаждык жарала турган болсо, акысыз адвокат менен камсыздоо дагы каралган. Ал үчүн кайрылган жарандын шарты мыйзамда көрсөтүлгөн талаптарга туура келиши зарыл. Тактап айтканда, 12 айдагы кирешеси белгиленген суммадан ашпаган учурда, кылмышка шектелип кармалгандарга, оор жана өзгөчө оор кылмышка шектелгендерге, 1-2-топтогу майыптарга, психикалык оорудан жабыркагандарга, ардагерлерге жана зомбулуктан жабыр тарткандарга адвокат берилет", — деди Сальпиев.