БИШКЕК, 18-мар. — Sputnik. Кыргызгидромет агенттиги бул жумада Ош облусунда күтүлгөн аба ырайынын божомолу тууралуу маалымат берди.
Синоптиктердин айтымында, 19-мартта түнкүсүн жаан-чачын күтүлбөйт. Күндүз айрым жерлерге жамгыр, тоолуу райондорго кар жаайт. 20-21-мартта көпчүлүк аймактарда да жамгыр болуп, тоолуу райондорго кар түшүшү ыктымал. 22-23-мартта күндүн көзү бузулбайт. 24-мартта күндүз жана 25-мартта айрым айрым жерлеринде жаан, тоолуу райондордо кар жаай турганы айтылды.
Тоолуу райондордо жолдор тоңуп, тайгак болот. Батыштан соккон шамалдын ылдамдыгы секундасына 4-9 метрге жетиши мүмкүн.