БИШКЕК, 18-мар. — Sputnik. Баткен шаарынан чек арадагы Ак-Сай айылына жана кайра артка бекер кичи автобустар каттай баштады. Бул тууралуу президенттин Баткен облусундагы ыйгарым укуктуу өкүлчүлүгүнүн маалымат кызматы билдирди.
"Маршруттук такси Баткенден Ак-Сайга эртең менен саат 08:40та, ал эми каршы багытка кечки саат 17:00дө чыгат. Жолдун узундугу 40 чакырымдан ашат. Жол кире акысыз", — деп айтылат маалыматта.
Президенттик өкүлчүлүк жергиликтүү тургундар буга чейин мындай автокаттамды уюштурууну суранышканын кошумчалаган.