БИШКЕК, 17-мар. — Sputnik. Нооруз майрамына карата Бишкек шаарындагы "Ала-Тоо" аянтында автоунаа каражаттарынын кыймылы үчүн убактылуу чектөө киргизиле турганын Милициянын кайгуул кызматы кабарлады.
17-марттан 22-мартка чейин төмөнкү көчөлөр автоунаа үчүн жабылмакчы:
Чүй проспектиси — Эркиндик бульварынан Панфилов көчөсүнө чейин;
Орозбеков менен Раззаков көчөлөрү — Абдымомуновдон Чүй проспектисине чейин.
Милициянын Кайгуул кызматы ыңгайсыздыктарды өткөрүлө турган иш-чаранын маанилүүлүгүнө байланыштуу туура кабыл алууга чакырып, алдын ала кечирим сураган.