БИШКЕК, 16-мар. — Sputnik. Кыргызстандын кумда ойнолгон футбол боюнча курама командасы Таиланддын Паттайя шаарында өтө турган Азия кубогуна катышат. Бул тууралуу Кыргыз футбол союзунан маалымдашты.
Турнир бүгүн, 16-мартта, башталып, 26-мартка чейин уланат. Анда 16 команда күч сынашат.
Кыргызстандын курама командасы тайпалык этапта Оман жана Кувейттин спортчулары менен мелдешет. Ал эми D тайпасында Палестинанын спортчулары менен ойнойт.
Футбол союзу белгилегендей, Кыргызстандын кумдагы футбол боюнча курама командасы Азия кубогуна даярдануунун алкагында Ысык-Көлдө окуу-машыгуулардан өткөн. 10-мартта курама команда Таиландга учуп кеткен, алар 15-мартка чейин машыгуунун экинчи бөлүгүн өткөрүштү.
"Турнирдин форматына ылайык, чейрек финалга ар бир тайпадан экиден команда чыгат", — деп айтылат маалыматта.
Кыргызстандын курамасы командасы оюн талаасына чыга турган сааттар (Бишкек убактысы боюнча берилди):
17-мартта — Оман – Кыргызстан, саат 19:30да;
19-мартта — Кыргызстан – Палестина, саат 16:00дө;
21-мартта — Кувейт – Кыргызстан, саат 16:00дө.