БИШКЕК, 12-мар. — Sputnik. Кыргызгидромет агенттиги келе жаткан жумага карата Кыргызстандагы аба ырайы тууралуу маалымат берди.
Чүй
Жуманын баш жагында, 12-13-мартта, көпчүлүк аймактарда жаан, ал эми тоолуу райондордо кар жаашы күтүлөт. 14-15-мартта күн ачык болот. 16-17-18-март күндөрү кайрадан жаан-чачын жаайт.
Талас
Облуста 12-13-мартта түнкүсүн көпчүлүк аймактарда жаан, тоолуу райондордо кар жаай турганы айтылат. 13-мартта күндүз жана 14-17-мартта күн ачык болот. 18-мартта айрым жерлерде жаан, тоолуу райондордо кар жаашы күтүлөт.
Ош, Жалал-Абад
12-13-мартта түнкүсүн көпчүлүк аймактарда жаан, тоолуу райондордо кар жаайт. Ошондой эле 17-18-мартта айрым жерлерде жаан, тоолуу райондордо кар жаашы мүмкүн.
Баткен
12-мартта күндүз айрым жерлерде жаан-чачын катуу жаайт. Ал эми 13-мартта күндүз жана 14-17-мартта күн ачык болот. 18-мартта айрым жерлерде жаан, тоолуу райондордо кар жаайт.
Ысык-Көл
12-мартта күн ачык болот. Ал эми 13-мартта айрым аймактарда жамгыр, тоолуу райондордо кар жаашы мүмкүн. Кайра 14-15-мартта күн ачылат. Ошондой эле 16-мартта кар, жамгыр жаайт. 17-мартта күн ачык болсо, эртеси кайра эле жаан.
Нарын
Аймакта 12-мартта күн ачык. 13-мартта түнкүсүн көпчүлүк аймактарда, күндүз айрым жерлерде кар жаайт. 14-15-16-мартта түнкүсүн жаан-чачын болбойт. Ал эми 16-17-19-мартта кар жаайт.