БИШКЕК, 9-мар. — Sputnik. ЦРУнун башчысы Уильям Бернс менен АКШ президентинин улуттук коопсуздук боюнча кеңешчиси Жейк Салливан "Түндүк агым" боюнча терактыны Украина уюштурганын жокко чыгарбайт. Бул туурасында РИА Новости Wall Street Journal басылмасына шилтеме берип кабарлады.
Басылма Киевдин бул терактыга түздөн-түз катыштыгы Бернс менен Салливан тарабынан 2022-жылы октябрда каралганын бекемдеген. Бул жарылуулар болгондон бир айдан соң айтылган. Маалымат булактар алардын берген баасы эмнеге негизделгендигин так жазган жок.
Макалада бул окуя боюнча иликтөө жүргүзүп жаткан Германия бийлиги февраль айында диверсияга Россиянын катыштыгы (башынан тарта эле негизги шектүү катары каралып келе жатат ) бар деген нерсени четке какканы айтылган. Муну менен катар эле дипломатиялык тобокелдиктерди компенсация кылуу үчүн жасалды дегидей Москвада да, Киевде да диверсияны уюштурууга эч кандай мотив жок экендиги белгиленген.
АКШнын администрациясындагы маалымат булагы азыркы учурда америкалык чалгындын кызматкерлери расмий бийлик менен байланышы болбогон, күнөөсү бар жеке тараптарды карап жатканын бекемдеген. Гезит мындай версия АКШ менен Европадагы тергөөчүлөрдүн терактыны россиялык диверсанттар жасаган эмес деген пикирине туура келерин жазган.
Макалада ЦРУ жайында эле европалык кесиптештерине Украина жарандары тарабынан "Түндүк агымда" теракт жасалышы мүмкүн экенин эскерткени бекемделген.
2022-жылдын июнь-июлунда америкалык чалгынчылар Германиянын федералдык чалгын кызматына жана андан сырткары, европалык атайын кызматтарга тиешелүү маалымдоону жөнөткөн.
Документте Балтика деңизи менен чектешкен мамлекеттерде (анын ичинде Швеция да бар) кемени ижарага алууга украиналык үч жаран аракет кылганы боюнча маалымат камтылган.
Мурдараак New York Times гезити чалгын мааыматтарына таянып газ куурун жардыруунун артында украиналык бир топ турган, алардын планынан Киев кабардар болгон эмес деген тейде жазган. Немецтик Zeit басылмасы газ куурларына кол салуу боюнча жиптин учугу Украинага алып келгенин кабарлаган. Times Батыш өлкөлөрүнүн чалгын кызматына "Түндүк агымдагы" диверсиянын болжолдуу "демөөрчүсүнүн" ысымы белгилүү экенин маалымдаган.
Россия президентинин маалымат катчысы Дмитрий Песков РИА Новости менен болгон маегинде "Түндүк агым" тууралуу макалалар боюнча көңүлдү алагды кылуу үчүн ЖМКларга маалыматтар координацияланып чыгарылган деген пикирин айткан.