БИШКЕК, 5-мар. — Sputnik. ЖККУ Кыргызстан менен Тажикстандын чек арасындагы чыңалууну басаңдатуу боюнча чараларды сунуштайт. Бул тууралуу социалдык тармактарга Эл аралык аскердик кызматташтык департаментинин башчысы, Беларустун коргоо министринин эл аралык аскердик кызматташтык боюнча жардамчысы Валерий Ревенко жазды.
Анын айтымында, Минск шаарында ЖККУ өлкөлөрүнүн Куралдуу күчтөрүнүн эл аралык аскердик кызматташтыгынын бөлүм башчыларынын жыйыны өттү.
“Кыргызстан менен Тажикстандын чек ара тилкелериндеги чыңалууну басаңдатуу боюнча коргоо ведомстволорунун жетекчилерине сунуштар иштелип чыкты”, — деп жазган ал.
Аталган жумушчу жыйын 1-мартта Минскиде өткөн.