БИШКЕК, 26-фев. — Sputnik. Кыргызгидромет агенттиги алдыдагы аптага карата аба ырайы тууралуу маалымат берди.
Ага ылайык, борбор калаа Бишкекте жуманын башынан аягына чейин жаан-чачын күтүлбөйт.
Чүй облусу
26-февралдан 2-мартка чейин күн ачык болот. 3-мартта күндүз тоолуу райондорго кар жаайт, дыйканчылык аймактарда күндүн көзү бузулбайт. 4-мартта булуттар тарап, асман ачылат.
Талас облусу
26-февралдан 2-мартка чейин жаан жаабайт. 3-мартта күндүз тоолуу райондорго кар түшүшү күтүлөт. 4-мартта кайра күн ачылат.
Ош облусу
26-февралда тоолуу райондордо кар жаайт, дыйканчылык аймактарда күн ачык бойдон турат. Ошол бойдон аптанын аягына чейин күндүн көзү бузулбайт.
Жалал-Абад облусу
26-февралдан 1-2-мартка чейин жаан-чачын болбойт. 3-мартта күндүз тоолуу райондорго кар түшөт, бирок дыйканчылык аймактарга жаабайт. 4-мартта күн ачык болот.
Баткен облусу
Жуманын башынан аягына чейин облустун аймагында жаан-чачын болбойт.
Ысык-Көл облусу
26-февралда тоолуу райондорго кар жаайт, бирок дыйканчылык аймактарга түшпөйт. Эртеси күн ачылып, 4-мартка дейре жаан-чачын болбойт.
Нарын облусу
Облустун аймагында апта соңуна чейин жаан-чачын болбойт.