БИШКЕК, 14-фев. — Sputnik. Соңку бир сутканын аралыгында доллар менен евро кымбаттап, алтын куймалары арзандап, күйүүчү май куюучу станциялардын биринде бензиндин баасы төмөндөдү.
Долларды сатып алуу 27 тыйынга, ал эми сатуу 30 тыйынга кымбаттады. Евронун курсу дагы 45 тыйынга өскөн. Рубль бир тыйынга төмөндөгөн, казак теңгесинин наркы анча өзгөргөн эмес.
"Роснефть" күйүүчү май куюучу жайында АИ-92 үлгүсүндөгү бензин 0,6 сомго, АИ-95 2,2 сомго арзандаган.
Алтын куймаларынын баасы да бир аз түшкөн, мисалы, бир граммдык куйма кечээкиден 10 сомго арзан сатылууда.