БИШКЕК, 13-фев. — Sputnik. Кыргызстандык балбан Акжол Махмудов 77 килограмм салмак категориясы боюнча дүйнөлүк рейтингде биринчи орунга чыкты.
Буга чейин Бириккен күрөш дүйнөсүнүн (UWW) рейтингинде түркиялык Юнус Эмре Басар лидер болчу.
Ушуну менен грек-рим күрөшү боюнча кыргызстандык балбандар эки салмак категориясы боюнча мыкты аталышты. Махмудовдон тышкары, лидерликти Жоламан Шаршенбеков бербей келет. Ал 60 килограммга чейинки салмакта кармашат.