БИШКЕК, 9-фев. — Sputnik. Жалал-Абадда "Мыйзам нуру коррупцияга каршы коомдук жардам" коомдук бирикмесинин мүчөсү пара талап кылуу учурунда кармалганын УКМКнын маалымат кызматы билдирди.
"Жогоруда аты аталган Т.Г.Б. Жалал-Абад облусундагы бала бакчалардын биринин директорун колунда бар делген компроматты укук коргоо органдарына өткөрүп берем деп коркутуу менен акча талап кылгандыгы аныкталды", — деп айтылган маалыматта.
Кармалган аял УКМКнын убактылуу кармоочу жайына киргизилип, тергөө башталган.