БИШКЕК, 8-фев. — Sputnik. Саламаттык сактоо министрлиги Кыргызстанда адам өлүмү менен коштолгон оорулардын 2022-жылга карата статистикасын жарыялады. Рейтингдин сап башында кан айлануу системасына байланыштуу илдеттер турат.
Өткөн жылы кыргызстандыктардын өлүмүнө себепкер болгон дарттар:
51, 1% кан айлануу системасындагы оорулар;
10, 3% шишиктер;
7, 1% тышкы себептер;
5, 4% тамак сиңирүү органдарынын оорулары;
4, 4% дем алуу органдарынын оорулары;
21, 7% башка себептер.
Министрлик ошондой эле 2022-жылы республикада адам өлүмүнүн көрсөткүчү жалпысынан 1,4 пайызга азайганын билдирди. Көз жарган аялдардын өлүмү 23,4 пайызга, ал эми балдар арасындагы өлүмдүн көрсөткүчү 7,1 пайызга төмөндөгөн.