БИШКЕК, 5-фев. — Sputnik. Бүгүнкү дүйнө АКШ каалагандай болбой калды. Андыктан Вашингтондо акыркы көзүрү болгон оозеки коркутуп-үркүтүүгө өттү, бирок ал ыкмасы дагы жакшы иштебей жатат. Бул тууралуу РИА Новости түркиялык Sabah гезитине чыккан макалага шилтеме берүү менен жазды.
Макаланын автору белгилегендей, акыркы жылдарда АКШнын тышкы саясаты акырындык менен өзүнүн "импульсун" жоготуп жатат. "Муну ырастаган эң чоң далил – бул Вашингтондун акыркы көзүрүн пайдалана башташы", — деп жазат ал.
Ошондой эле ал "Америка бир тараптуу санкциялардан эл аралык изоляцияга, ал тургай аскерий басып алуу жана мамлекеттик төңкөрүш жасоого чейин көптөгөн варианттарды колдонду. Бул куралдардын айрымдарын Түркияга каршы колдонууга аракет кылган. Бирок 2016-жылдын июль айындагы төңкөрүш аракетинен кийин алар такыр башка Анкараны көргөн" пикирин кошумчалады.
Мындан тышкары, гезит АКШ соодалашуу же шантажды жакшы пайдаланарын айтты. Мисалы, Түркия сатып алчу F-16 согуштук учактарын өзүнө алууну каалаган. Келишим дээрлик аягына чыгып калганда Конгресс мүчөлөрү "Анкара Швеция менен Финляндиянын НАТОго мүчөлүгүнө макул болушу керек" деп чыкты.
АКШ буга чейин россиялык С-400 абадан коргонуу системаларын сатып алганы үчүн жаза катары Түркияны F-35 согуштук учак программасынан чыгарып салган. Кийинчерээк Түркиянын президенти Тайип Эрдоган Америка башка согуштук учактарды, бирок бешинчи эмес, төртүнчү муундагы F-16ларды сатып алууну сунуштаганын жарыялады.