БИШКЕК, 27-янв. — Sputnik. Кыргызстан менен Өзбекстан чек араларды делимитациялоо процессинин аягына чыгып калды, чындыгында тарыхый процесс. Бул тууралуу Кыргызстандын президенти Садыр Жапаров Өзбекстан лидери Шавкат Мирзиёев менен болгон сүйлөшүү учурунда билдирди.
Мамлекет башчынын айтымында, өлкөлөрдүн ортосунда саясий карама-каршылык жок, ал эми бийлик чек аралар боюнча диалогго жана эки тарапка тең ыңгайлуу болгон чечимдерди караштырууга даяр экендигин көрсөттү.
"Чекит коюп, биз кийинки муундардын өнүгүшүнө жана өлкөнүн өсүшүнө кам көрүп жатабыз деп ишенип турам. Шавкат Мирромонович, маанилүү маселелерди чечүүдө сиздин ролуңузду белгилеп кетпесек болбойт", — деген Жапаров.
Президент бүгүн документтерди өз ара алмашуу болорун жана өлкөлөрдү кызматташуунун кынтыксыз жаңы деңгээлине көтөрө турчу ар тараптуу стратегиялык өнөктөштүк боюнча декларацияга кол коюлгандыгын кошумчалады.
Өткөн 2022-жылы Жогорку Кеңеш чек араларды делимитациялоо жана демаркациялоо боюнча макулдашуунун долбоорун ратификациялаган. Министрлер кабинетинин төрагасынын орун басары, Улуттук коопсуздук боюнча мамлекеттик комитеттин жетекчиси Камчыбек Ташиев Өзбекстанга Кемпир-Абад суу сактагычынын алдындагы 4 485 гектар жер берилерин, ал эми Кыргызстанга аталган коңшу мамлекеттин чек арасындагы болжол менен алганда 15 миң гектар жер өтөрүн белгилеген.
Президент Жапаров мындан мурдараак макулдашууга кол коюу Өзбекстан менен болгон мамлекеттик чек ара маселесине чекит коерун айткан. Мындан кийин эки республиканын парламенттери макулдашууну ратификациялаган.
Sputnik Өзбекстан президенти Шавкат Мирзиёевдин расмий сапарынан онлайн-репортаж жасап жатат.