БИШКЕК, 26-янв. — Sputnik. Мамлекеттик архитектура, курулуш жана турак жай-коммуналдык чарба агенттигинин директору Нуртазин Жетибаев ээлеген кызматынан бошотулду. Маалыматты өздүк булактар тастыктады.
Азырынча ал эмне себептен кызматтан кеткени белгисиз.
Жетибаев Мамкурулушту жети ай башкарды, 2022-жылдын 21-июнунда президент Садыр Жапаров дайындаган болчу. Жетибаев Баткендеги үйлөрдүн курулушу кечеңдеп жатканы боюнча башкы подрядчы компанияны ачык сындап келген.