БИШКЕК, 23-янв. — Sputnik. Алдыдагы эки-үч апта Украинадагы чатак үчүн чечүүчү учурлардан болот. Бул туурасында Европа кеңешинин төрагасы (президент) Шарль Мишелдин айтканын РИА Новости жазды.
"Жакынкы эки же үч жума чечүүчү мезгилдерден болот. 2023-жылы боло турган окуялар жакынкы жумаларга байланыштуу. Алар биздин келечегибизди аныктай турчу учурлар", — деген ал.
Европа кеңешинин башчысы Испаниянын El Mundo басылмасына берген маегинде Батыш мамлекеттери Украинага жардам көрсөтүшү керек деген пикирин билдирген.
Европа кеңеши — Европа биримдигинин мүчөлөрү болгон мамлекеттердин президенттеринен жана премьер-министрлеринен турган ЕБдин жогорку саясий органы.