БИШКЕК, 21-янв. — Sputnik. Франциянын RT France телеканалынын эсебин бөгөттөөгө Россия жооп кайтарат. РИА Новости агенттиги өлкөнүн Тышкы иштер министрлигинин билдирүүсүнө таянып, чаралар Франциянын Россияда иш алып барып жаткан ЖКМларына карата боло тургандыгын жазды.
"RT France телеканалынын банк эсебинин жабылышы Франциянын Россиядагы ЖМКларына карата жооп кайтарууга аргасыз кылат. Эгерде Франция Россиянын журналисттерин кысымга алууну токтотпосо алардын эсинде кала тургандай нерсе болот", — деди Россия ТИМинен.
Франциянын мамлекеттик кеңеши декабрдын башында Arcom аттуу медиажөндөгүч Eutelsat француз спутник операторуна россиялык "Россия 1", НТВ жана "Биринчи каналдарын" "Репортеры без границ" (RSF) уюмунун суроосу менен Россиянын, Украинанын аймагында берилишин карап чыгууга көрсөтмө берген.
Акыркы жылдары Батышта россиялык ЖМКлардын абалы улам оорлоп бара жатат. 2016-жылдын ноябрында Европарламент орус ЖМКларына карата каршы аракеттердин зарылдыгы боюнча резолюция кабыл алган. Анткен менен башкы документте кооптуу деп Sputnik менен RT аталган. Башында америкалык сенаторлор, конгрессмендер турган батыштык бир катар саясатчылар жана Франция президенти Sputnik, RT каналын АКШ, Франциядагы шайлоого кийлигишти деген кине тагышкан. Анткен менен буга эч кандай далил келтире алышкан эмес. Россиялык расмий өкүлдөр бул курулай күнөөлөө экендигин айтышкан.