БИШКЕК, 20-янв. — Sputnik. Депутат Дастан Бекешев качкын президент Курманбек Бакиевдин уулу Максимдин мурдагы жерлери президенттик аппараттын менчигине өткөнүн билдирди.
Ал "Бишкек башкы архитектурадан" анын өтүнүчү боюнча келген катты көрсөттү. Жерлер Бишкек шаарындагы Скрябин, 45 жана 45/а даректеринде жайгашкан.
Катта бул жерлерге шаардык кеңештин чечими менен көп кабаттуу үйлөр курула тургандыгы айтылган.
Эсе салсак, аталган жерлер боюнча узакка созулган сот процесстери болгон.