БИШКЕК, 6-янв. — Sputnik. Мамлекеттик кызматкерлердин жана Жогорку Кеңештин депутаттарынын 2021-жылга карата тапшырган декларациясы жарыяланды.
Бирок алардын ичинде кээ бир эл өкүлдөрүнүн декларациялык баракчасында эч бир маалымат жазылган эмес. Муну Салык кызматы "алар декларациясын 0 көрсөткүч менен тапшырган" деп түшүндүрдү. Башкача айтканда, киреше-чыгашасы, ээлик кылган мүлктөрү боюнча ачыктагысы келген эмес. Жакын туугандары тууралуу да маалымат жок.
Мал-мүлкүн көрсөтпөгөн депутаттар төмөнкүлөр:
Медер Алиев;
Динара Ашимова;
Фархат Исмаилов;
Адахан Мадумаров;
Элдар Сулайманов;
Камила Талиева.